تكملة ..تنحط ع الجرح يبرى

ريم:طبلة اذني الي فقعتيها
امل:انا رايحه
ريم:لالا خلاص بقولك
امل:قولي لااتوطى ببطنك
ريم:خلاص بقول ..... اسمعي يوم ناداني خالد قالي اجيب له اوراق
امل:طيب
ريم:اصبري خل اكمل
امل:كملي
ريم:رحت جبت له الاوراق وهو حذرني من عمال يشتغلون قريب من المطبخ بعدين راح انا رحت بشرب ماي
امل:شافوك العمال وجايين يذبحونك لانك جيتي لهم بالمطبخ وانتي ركضتي فوق وعشان كذا قفلتي الباب بالمفتاح
ريم:لااااااااااااا
امل:هاه اجل
ريم:وجعاه خليني اكمل
امل:ليه غير كذا
ريم:اييييه اسكتي بكمل
امل:اوكي
ريم:رحت للمطبخ بشرب ماي وانا مادريت انه فيه احد ويوم جيت بطلع التفت شفت احلا الخلق شفت
اجمل العيون عيونه ذباحه ورووعه بس انه هندي
امل:يعني هذا الي شفتيه هندي
ريم:ايه بس يهبببل رووووعه ماتوقعت في هندي كذا يجنننننن
امل:من جدك حبيتي هندي
ريم:انا ماحبيته اعجبت بشكله
امل:ولو يظل هندي سكتت شوي بعدين انفجرت من الضحك
ريم:وجع شفيك تضحكين
امل:هههههههههههههههههه اتخيل شكلك متزوجه هندي هههههههههههههههه
ريم(عصبت):لا والله مالت على الي يقولك شي
امل:افا زعلت امزح معك خلاص سحبت كلمتي
ريم:بس لو تشوفينه رووووعه ولاعضلاته المفتوله شي رهييييييييب >>> حشى مسرع ماسرقت ملامح الولد
امل:لاحبيبتي اكيد(شاروخان) احلا >>>>>> ممثل هندي
ريم:لا ذا احلا وانا شدراني عن شاروخان انا مو متابعه افلام هنديه مثلك
امل:على الاقل مو الاجانب وععع
ريم:كل واحد وذوقه
امل:قلتيها كلن وذوقه
ريم:لاماقلت كذا
امل:الا قلتي كل واحد وذوقه
ريم:أي قلت كل واحد وذوقه بس ماقلت كلن وذوقه
امل:الصراحه ودي اقوم اتوطى ببطنك
ريم:هذاني قدامك
امل:لابرستيجي مايسمح وعشان خالد اخوك يذبحني
ريم:لا مو للدرجه يذبحك ومدري ليه تخافين منه ترى هو طيب وحبوب
امل:مدري اخاف منه احسه عصبي وصارم مررعب
قطع كلامهم الجرس الي دق....
ريم:جت امي
امل:انا بروح
ريم:تو بدري
امل:لاامي ماتبيني اتاخر
ريم:طيب
امل:ريم بقولك شلون عرفتي انه هندي
ريم:لان اخوي قال في عمال يشتغلون عند المطبخ وهو كان عند المطبخ وماسك كيس يمكن فيه العده
وانتبهت لعمال جايين للمطبخ فاكيد منهم ولا شمدخله بيتنا بس تصديقين جماله سعودي ولالبسه لابس بلوزة
ماسكه على الجسم وبنطلون جينز روووعه
امل:يمكن يطلع سعودي
ريم:يــــــــــــارب
امل:ليه
ريم:عشان يجي ويخطبني
امل:ههههههههه مرجوجه يلا بروح باي
ريم:بايات
نتكلم عن امل.... امل بنت ماتختلف عن ريم طيوبه وحبوبه وتموووووت على متابعة الافلام الهنديه وجمالها
جمال ناعم وهادي وعيونها الناعسه وجمالها جمال اسباني حلووو وجسمها بعد روووووعه مناسب لها.
بعد ماطلعت امل من عند ريم راحت ريم لامها وباست راسها وقالت:شخبارك ياالغاليه
ام خالد:الحمدالله يابنيتي
ريم:دوووم يمه ..... يمه شنو جبتولي معاكم
ام خالد:والله مدري يمه بس الي شرو لك خواتك على ذوقهم روحي شوفيهم
ريم:اها خلاص يمه بروح اشوف
وراحت ريم فوق ودخلت غرفة هديل وقالت:هدييلوه شنو جبتولي
هديل:بسم الله الواحد يسلم يطق الباب مو كذا
ريم:طيب طيب الحين وريني شنو جبتولي بسرررعه
هديل:ماجبنا لك شي اطلعي بره
ريم:بلاتشليخ امي تقول خواتك جابو لك
هديل:مسرع مااطلع كذابه وانتي محد يقدر عليك
ريم:افا عليك انا ريم
هديل:لاعلى بالي بنت الجيران
ريم(باستهبال): أي وحده
هديل:شنو أي وحده
ريم:من بنت الجيران
هديل رمتها بالمخده وقالت:سخيييييييييييفه ماعندك سالفه
ريم:بلا قرقرة ووريني الاشياء الي جبتوها لي
هديل:ولو انك ماتستاهلين بس شوفي ذول..... واشرت على بلايز روووعه
ريم:أي وحده ذي
هديل:أي كلهم شرايك
ريم:روووعه
هديل:اختاري لك ثنتين
ريم:باخذ الحمرة والسودا
هديل:اوكي وانا باخذ ذول
ريم:حلو
هديل:تعالي نروح لرنا
ريم:امشي
وراحو..........
نتكلم عن هديل...... هديل اخر العنقود واصغر من ريم بسنه ومرررة حلوة
وماختلفت عن جمال ريم بس ريم كانت احلا وهديل الي محليها زياده لون بشرتها البرونزيه الرووووعه ........
دخلو غرفة رنا وبرجتهم فتحو الباب وارعبوها لانها كانت سرحانه
رنا:بسم الله خرعتوني
ريم:الي ماخذ عقلك يتهنى به
هديل:من ماخذ عقلها غير عبودي
رنا:وجع لاتدلعينه
ريم:امووووت على الي يغارون
رنا(انحرجت):مالك دخل
ريم:اقوول رنو شفيك ماتعرفين تتكلمين احنا اصغر منك نعرف نتكلم
هديل:صح كلا ماتدافعين عن نفسك
رنا:لا والله قالولكم طويلة لسان مثلكم
ريم:هذي مو طوالة لسان
رنا:الي تكوون المهم تعالي شوفي شنو شريت
ريم:وريني
رنا:شرايك بذول
ريم:واااو رووعه ذوقك يجنن
رنا:ادري
ريم:لاوالله
هديل:رنووو
رنا:هممم
هديل:متى ملكتك قالو
رنا:مدري مابعد يقولي خالد
دخل عليهم خالد وقال:شفيه خالد
البنات بصوت واحد:بسم الله
خالد:ماقلتو شفيه
ريم:لا ولاشي نسولف عن بطل في قصه
ناظرها بنص عين وقال:اها طيب ياام لسانين واطلعو بكلم رنا
طلعو البنات وهو راح لرنا وقال:الملكه الخميس الجاي
رنا(شهقت):بعد ثلاث ايام
خالد:ايه شفيك
رنا:لابس مايمدي
خالد:انتي شريتي الفستان
رنا:ايه بس الكوفيرة
خالد:محلوله وبغيت اقولك ان الملكه بتصير بمزرعة عمي لانه اصر
رنا:انشالله
خالد:ويلا انزلي تعشي
رنا:طيب
وطلع خالد.....
نتكلم عن رنا.... رنا بنت هاااااااااديه وطيووووبه لابعد حدود وتسامح بسرعه عكس خواتها الي لازم انتقام وخرابيط وهي مخطوبه لولد عمها عبدالله وملكتها عليه الخميس وهو مغصوب عليها من ابوه لان ابوه يحب رنا وشايف اخلاقها وادبها فخطبها له وهي عادي لاتحبه ولاتكرهه لانها ولامرة تقابلت معاه او شافته غير بالصور ووافقت عليه عشان عمها وعشان اخوها قال ماعليه كلام وعبدالله مايبيها مو لان شايف عليها شي لالان رافض فكرة الزواج وتو راجع من امريكا مخلص دراسه يتفاجئ بان ابوه خاطب له بنت عمه مفاجاءة وهي على قولته مصيبه مو مفاجاءة ورضى وماحب يفشل ابوه وطبعا محد يدري بعدم رغبة عبدالله ببنت عمه او بالاصح بفكرة الزواج........................ ...
نرجع لرنا ......رنا بسرعه تندمج مع الناس ويحبونها لاخلاقها يعني اجتماعيه نوعا ما وغير كذا جمالها مايفرق عن خواتها واحلاشي فيها بياضها الحلووو....
نزلت رنا وشافتهم قاعدين على العشا وريم وهديل يتناجرون ضحكت بقلبها عليهم وقالت ياحبي لهم بشتاقلهم اذا تزوجت مدري شبسوي اذا رحت عنهم باست راس امها وقعدت وسالتها هديل الملقوفه:شكان يبي خالد
رنا:كان يقول.... قاطعتها ريم وقالت:رنا حبيبتي مو كل شي تقولينه خلي لنفسك اسرار وشخصيه لك
رنا:اقول يالحكيمه لي شخصيه واسرار بس الموضوع مو سر الموضوع ان ملكتي الخميس
شهقو البنات............
هديل:ماجبت اكسسوارات
ريم:مقدوووور عليها بس انا ماجبت فستان
ام خالد:بكرة نروح نجيب الاغراض الناقصه الحين تعشو وفكونا من هالمناجرة
البنات:انشالله
----------------يتبع