ابي ابكي من الضيقة

أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني




أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني



أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني




أبيهم يذكرون أني صرت بدمعتي غرقان
أبيهم يعرفون الهم هو اللي صار يخاويني




أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني




أبي اترك لهم قصة وأخيّرهم على العنوان
يسمّوا "حزن "يحطوا "دمع"ما عاد يعنيني




أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني



أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني



أبيه لمركبي مرسى وأبيهـ لغربتي أوطان
أبي لامن ذرفت الدمع لقيتهـ لي يعزّيني




أنا ما أبيهـ يصبح ضلع أبيهـ يكون لي ضلعان
أبي لا من مشيت وطحت يحط يديهـ في يديني




إلامن خانني التعبير أبيهـ يكون لي لسان
أبي لامن سكتْ ألقاهـ يفهم من نظر عيني




أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني




أبي أعشق وأبي أغرم وببني للهوى بنيان
أبيهـ يكون مبنى ضخم ويسكن فيهـ مغليني




أبي واحد يسكن بي وابطرد لأجله السكان
أبي يسكن وسط قلبي وعمرهـ ما يخليني




أبي أشعل شموع الحب وبأعطي من الغلا بستان
أبي أهديه باقة ورد مسقيها شراييني



اتمنى انها تعجبكم..

بإنتظار ردودكم..

صح لسان قايلها


يسلموووووووووووووووو

lمشكوره يالغلا


يعطيك العافيه

يعطيكي العافية يا قمر