قصة تنحط ع الجرح يبرى

الجزء الأول (الفصل الاول):
خالد(بصرااخ):ريـــــــــــــــ ـــــــــــــــم ريــــــــــــــــــــــــــــ ـــــــــــم
ريم:جاك الموت ياتارك الصلاة
امل:يمه من ذا الي يصارخ
ريم:هذا اخوي يناديني اقعدي هنا بروح اشوفه وراجعه
امل:اوكي
ونزلت ريم ....... نتكلم عن ريم شوي ..... ريم شخصيه حبوبه وامورة وغير كذا اّيه من الجمال شعر اسود لنص الظهرمسدول وعيون كأنها مسويه بأحسن مسكرة ولا دقة خشمها وفمها الصغير ولابشرتها الصافيه ولونها وجسمها كأن جسم عارضات الازياء وغير اخلاقها وخفة دمها............
خالد(معصب):سنه لاتنزلين
ريم(خايفه):هاه.. لابس
خالد:شفيك تكلمي زين
ريم:عندي صديقتي فوق
خالد:اها طيب
ريم:بغيت شي
خالد:ايه روحي جيبي لي اوراق من مكتبي تلقينها فوق المكتب داخل ملف اخضر
ريم:انشالله
وراحت تركض......
خالد:ههههههه مصرقعه ذي البنت
نتكلم شوي عن خالد ....... خالد عمره 28 وشايل مسؤوولية امه وخواته الـ3 بعد وفاة ابوه وهو صارم وعصبي وخواته يخافون منه بس مع كذا قلبه طيب وماحرمهم من شي او حسسهم بنقص الحنان وعنده شركة كبيرة يدير
فيها املاك ابوه من بعد وفاته وهو معروف بالسوق والكل يحترمه ويهابه وغير جاذبيته
وجماله وعيونه وجسمه الرياضي مفتول العضلات.......
جت ريم ومعها الاوراق وهي تلهث من الركض ......
ريم:خذ... هذي ... الاوراق
خالد:شفيك تلهثين كأن لاحقك احد
ريم:لابس لان كنت اركض
خالد:انتبهي على عمرك لاتصيرين مرجوجه وروحي لصديقتك انا طالع
ريم:اوكي
وجت تروح بس وقفت يوم سمعت خالد يناديها...
ريم:هلا
خالد:انتبهي في عمال يشتغلون قريب من المطبخ مو تتطلعين لان مافي احد بالبيت
ريم:وين امي
خالد:طلعت وخذت هديل ورنا يلا انا طالع
ريم:انشالله سلااااااام
وراحت.....
خالد وهو يطالع بالاوراق يووه نسيت اقولها تجيب الملف الثاني من الدرج خل اروح اجيبه والله يعيني على فيصل اكيد الحين ينتظرني
ريم من اول ماطلعت راحت للمطبخ وفتحت باب بقوووه لين صقع بالجدار >>>> مرجوجه هههههههه
والي كان داخل المطبخ اخترع وهي ماتدري ان في احد داخل ومانتبهت للعيون الي تلاحقها وتراقبها لانها
كانت معطيته ظهرها وتشرب ماي هو من شافها انبهر من جمالها هذي حوريه ولاانسانه مو معقوووووول
دقت عليها امل لانها تأخرت رفعت الجوال وردت وللحين ماتدري بالي يطالعها ريم:خيــــر
امل:بسم الله كليتيني قولي هلا مرحبا او الو
ريم:انشالله عمتي ياهلا وغلا ومرحبا والله نور جوالي ارتحتي
امل:أي كذا
ريم:امل اخلصي
امل:تعالي زهقت وانتي شفيك معصبه
ريم:لان كل ماابي اشرب ماي يجي شي ويعطلني
(وللحين مو داريه عن الي ذاب من رقة صوتها)
امل:مولازم تشربين ماي وعادي تعطلي
ريم:انا ريم اخت خالد الي مافي شي يعطلني اتعطل عن شرب ماي
(ومانتبهت بعد للي ابتسم من خفة دمها)
امل:الناس تقول انا بنت فلان مو اخت فلان
ريم:خخخخخ انا بقول اخت فلان مو بنت فلان عناد فيك ويلا بااي
وسكرت بدون ماتسمع ردها
ريم(وهي تكلم نفسها بصوت مسموع):ياحبي لها بس مدري ليه تتصل الغبيه وهي فوق عندي خخخخ مهبوله
والتفت عشان تطلع والا تنصدم اول مرة تقابل شخص بهالجاذبيه ولاالعيون الذباحه والعضلات المفتوله دمعت عيونها
وراحت تركض اما فيصل ظل واقف بمكانه شهالعيون المرسومه رسم ولافمها الصغير وشعرها الحرير
صراحه هذي اّيه من الجمال والاحلى اسمها ريم >>> كل ذا قزخخخخخ
بعدين طلع يوم سمع صوت خالد وشاف خالد وسوا نفسه معصب فيصل:لابدري تاركني بهالحر>> عليك كذب
خالد:والله اسف يابو الشباب بس نسيت ملف رحت اجيبه
فيصل:ماعلينا يلا نمشي
خالد:يلا
ريم:طلعت تركض دخلت الغرفه وقفلت الباب وخذت المفتاح >>> حشى تقول بيجيها
امل(مرتعبه):ريم شبتسوين فيني
طالعت ريم فيها وكأنها تقول شوف الغباء ريم:شبسوي فيك ولاشي بس
امل:شفيك
ريم:امل الحقيني
امل:بسم الله شفيك لايكون في مصيبه في بيتكم وجايه الشرطه اقول بطلع لايحسبوني من اهل البيت
ريم:تبين كف انتي ووجهك وين قاعدين بفلم
امل:طيب شفيك
امل:هندي ياامل
امل:ايش مافهمت
ريم(تنهدت):ولابتفهمين
امل:اقول تكلمي لاتسوينلي سعاد حسني
ريم:شدخلها
امل:طريقتك بالكلام وتنهيداتك وذي يدك الي ماسكه قلبك تقولين بفلم مصري
ريم:اففف شهالتعبير
امل:ريم تكلمي لاازنطك
ريم(باستهبال):لالاشلون تزنطيني بعدين من بقولك
امل(بصراخ):ريـــــــــــــــــ م
ريم:وجع شهالصراخ تقول قنبله ذريه
امل:طيب خلصيني وقول
ريم:اعدل طبلتي
امل:أي طبله
--------يتبع